దళితులు, గిరిజనులకు దక్కని భూములు

దళితులు, గిరిజనులకు దక్కని భూములు

Share  Buzz up! ప్రజాశక్తి -ప్రతినిధి నలొండ   Sat, 19 Mar 2011, IST  

• ఏళ్ల తరబడి కూలీ బతుకులే
  
• పరిశ్రమలకు ప్రభుత్వ భూముల కేటాయింపు
  
• ఐదు విడతల్లో పంచింది 24 వేల ఎకరాలే
  
• అందులో దళితులకిచ్చింది 12 వేల ఎకరాలే
  
• హక్కు పత్రాలతోనే సరి... భూములు చూపని వైనం
  
• 22న అసెంబ్లీ ముట్టడి
  

జిల్లాలో ఐదు విడతల భూ పంపిణీ... దళితులకు ఇచ్చిన వివరాలు...
విడత ఎస్సీలు భూమి ఎస్టీలు భూమి మొత్తం లబ్ధిదారులు భూమి
మొదటి విడత 2939 2428.25 1010 1279.06 6736 6177,08
రెండో విడత 1222 1358.05 1513 1917.00 4752 5796.03
మూడో ,, 1289 1262.13 864 1053.10 3802 4349.22
నాల్గో ,, 1083 1043.19 1134 1513.28 3765 4206.10
ఐదో ,, 1193 1171.00 796 1279.06 3821 4401.19
మొత్తం 7726 7263.22 5317 7042.10 22876 24930.22

జిల్లాలో దళితులు, గిరిజనుల్ని పాలకులు సాగు భూములకు దూరం చేశారు. ఏళ్ల తరబడి సాగు చేసుకుంటున్న భూముల్నీ లాకున్నారు. పైగా ఓట్ల కోసం భూ పంపిణీ చేస్తున్నామని చెబుతున్నారు. సంపద పోగవడానికి ఆధారమైన భూమి దళితుల చేతుల్లో లేదు. ఏళ్ల తరబడి కూలీ బతుకులను వెల్లదీస్తున్నారు. జిల్లాలో లక్షల ఎకరాల ప్రభుత్వ భూములున్నాయి. వీటిలో సగానికి పైగా పెత్తందారులు, సంపన్నులు ఆక్రమించి అనుభవిస్తున్నారు. ప్రభుత్వం దళితులు, గిరిజనులకు ఇచ్చిన ఇనాం భూముల్ని సైతం తిరిగి స్వాధీనం చేసుకుంది. ఆరేళ్ల కాంగ్రెస్‌ పాలనలో చేపట్టిన ఐదు విడతల భూ పంపిణీలో సైతం దళితులు, గిరిజనులకు ఇచ్చింది ఏమీ లేదు. ఎన్నో ఏళ్లుగా సాగు చేసుకుంటున్న భూములకే హక్కు కల్పించారు. కొన్ని చోట్ల పత్రాలిచ్చిన భూముల్ని ఇంత వరకూ అప్పగించలేదు. ఇవన్నీ పెత్తందారులు, కంపెనీ యజమానులు, భూస్వాముల అనుభవిస్తున్న పరిస్థితి ఉంది. అసైన్డ్‌, ఇనాం, బంజరాయి, దేవాలయ, వక్ఫ్‌ భూముల్ని పేదలకు పంపిణీ చేయాల్సి ఉన్నపట్పికీ ఎక్కడా అమలు చేయలేదు. పైగా దళితులు, గిరిజనులు, పేదలు కబ్జాలో ఉండి సాగు చేసుకుంటే భూమిపై హక్కులు లేవంటూ ఖాళీ చేయిస్తున్న పరిస్థితి ఉంది. ప్రభుత్వం చేపట్టిన భూ పంపిణీ కార్యక్రమం కాగితాల్లోనే అమలవుతోంది. గుంటెడు భూమికి నోచుకోని దళితులు, గిరిజనులకు రెక్కలే ఆస్తులుగా మిగిలాయి. తరతరాలుగా కూలీ బతుకుల్ని వెల్లదీస్తున్న దళితులు, గిరిజనులు సామాజిక వెనుకబాటుతో పాటు రాజకీయ, ఆర్థికంగా కూడా వెనకబడే ఉన్నారు. దళితులు, గిరిజనుల్ని ఓటు బ్యాంకుగా ఉపయోగించుకుంటున్న పాలకులు అధికారంలోకి వచ్చాక మాత్రం కప్ప దాటు ధోరణి ప్రదర్శిస్తున్నాయి. వామపక్షాల పోరాటాల ఫలితంగా రెక్కల కష్టంపైనే బతికే దళితులకు జాతీయ ఉపాధి హామీ పథకం భరోస ఇస్తుందని ఆశపడ్డారు. ఇప్పుడు ఉపాధి హామీపై కూడా భూస్వాములు, పెత్తందార్ల, కాంట్రాక్టర్లు కన్నేసి దోపిడీ చేసేందుకు దారులు వెతుకుతున్నారు. దళితులు, గిరిజనులకు భూములపై హక్కు కాదు కదా.! వాటిల్లో కూలీ చేద్దామన్నా భద్రత లేకుండా చేసేందుకు కుట్రలు చేస్తున్నారు. రాజ్యాంగం కల్పించిన హక్కుల్ని కాపాడుకోవడంతో పాటు సమస్యల పరిష్కారం కోసం సిపిఎం రాష్ట్ర కార్యదర్శి బివి రాఘవులు, రాష్ట్ర నాయకులు ఎస్‌. వీరయ్య, జి.నాగయ్య, మిడియం బాబురావులు 17 నుంచి నిరవధిక నిరాహార దీక్షలు చేపట్టారు. ప్రభుత్వం ముందుంచిన 48 డిమాండ్లలో భూ పంపిణీ కూడా ప్రధాన సమస్యగా పేర్కొనబడింది. అదే విధంగా జిల్లా వ్యాప్తంగా సైకిల్‌ యాత్రలు నిర్వహించిన సిపిఎం, కెవిపిఎస్‌, వ్యవసాయ కార్మిక సంఘం, గిరిజన సంఘం ఆధ్వర్యంలో ఈ నెల 22న చలో అసెంబ్లీ ముట్టడి కార్యక్రమాన్ని నిర్వహించనున్నాయి. ఈ సందర్భంగా జిల్లాలో భూ పంపిణీ... దళితులు, గిరిజనుల సమస్యలపై ప్రజాశక్తి ప్రత్యేక కథనం...!
జిల్లాలో 2001 జనాభా లెక్కల ప్రకారం 5.75 లక్షల మంది దళితులున్నారు. 3.42 లక్షల గిరిజనులున్నారు. ఈ పదేళ్ల కాలంలో పెరిగిన జనాభాను కలుపుకుంటే సుమారు ఎస్సీ, ఎస్టీల జనాభా 12 లక్షల మేరకు పెరిగిందని అంచనా వేస్తున్నారు. వీరిలో లక్ష కుటుంబాలకు సొంత ఇళ్లు లేవు. వీరందరికీ ఇందిరమ్మ పథకంలో పక్కా ఇళ్లు మంజూరు చేశారు. ఇప్పటి వరకూ పావొంతు ఇళ్లు కూడా నిర్మాణం పూర్తి కాలేదు. 60 వేల కుటుంబాలు ఇళ్లు కట్టుకోలేక పూరిగుడిసెలు, రేకుల గదుల్లోనే కాపురాలు వెల్లదీస్తున్నారు. సొంత ఇళ్లే కాదు గుంటెడు సాగు భూమీ లేని కుటుంబాల సంఖ్య లక్షల్లో ఉంది. జిల్లాలో బంజరాయి, ఇనాం, అసైన్డ్‌, దేవాలయ పొరంబోకు, కుంట శిఖం, అటవీ ప్రాంత భూములు లక్షల ఎకరాల్లో ఉన్నాయి. ప్రభుత్వం మాత్రం ఓట్ల కోసం భూ పంపిణీ కార్యక్రమాన్ని చేపట్టింది. అక్కడక్కడ పదైదు గుంటల మేరకు పంపిణీ చేసి లక్షల ఎకరాలు పంపిణీ చేసినట్లుగా కాగితాల్లో చూపుతుంది. జిల్లాలో మిగులు భూములు లక్షల ఎకరాల్లో ఉండగా ప్రభుత్వం మాత్రం అరకొర భూముల్ని పంచింది. జిల్లాలో 5 లక్షలా 69 వేలా 659 ఎకరాల బంజరాయి భూములున్నట్లు రికార్డుల్లో నమోదై ఉంది. ఇందులో లక్షా 66 వేలా 659 ఎకరాలే సాగుకు యోగ్యమైనట్లుగా అధికారులు గుర్తించారు. అదే విధంగా 42 వేలా 716 ఎకరాల సీలింగ్‌ భూములుండగా 34 వేలా 553 ఎకరాలను ప్రభుత్వమే గతంలోనే స్వాధీనం చేసుకుంది. మిగిలిన 8,183 ఎకరాలకు గాను 5,268 ఎకరాల భూమి కోర్టు వివాదాల్లో ఉంది. 561 పంచాయతీల పరిధిలో 13 వేలా 268 ఎకరాల దేవాలయ భూములుండగా ఇందులో 4 వేలా 227 ఎకరాలను మాత్రమే కౌలుకిచ్చారు. మిగతా 9 వేలా 41 ఎకరాలను భూస్వాములు, రాజకీయ నాయకులు, పూజారులు ఆక్రమించి అక్రమంగా అనుభవిస్తున్నారు.
పేరుకే భూ పంపిణీ
ప్రభుత్వం చేపట్టిన భూ పంపిణీ కార్యక్రమం కాగితాల్లోనే అమలైంది. 2005 జనవరి 26న మొదటి విడత మొదలుకుని 2010 ఏప్రిల్‌లో చేపట్టిన ఐదో విడత వరకు జిల్లాలో 24 వేలా 930.22 ఎకరాల భూముల్ని 22 వేలా 876 మంది లబ్ధిదారులకు పంపిణీ చేసినట్లు అధికారుల గణాంకాలు పేర్కొంటున్నాయి. ఇందులో దళితులకు మాత్రం దక్కింది తక్కువే. జిల్లా వ్యాప్తంగా ఐదు విడతల్లో కలిపి 7 వేలా 726 మంది దళితులకు గాను 7 వేలా 263.22 ఎకరాలను పంపిణీ చేసినట్లు చూపారు. అదే విధంగా 5317 మంది గిరిజనులకు 7042.10 ఎకరాల భూముల్ని పంపిణీ చేశారు. అయితే జిల్లాలో అటవీ హక్కుల చట్టం కింద 35 వేల మంది గిరిజనులు భూముల కోసం దరఖాస్తు చేసుకున్నారు. వీరికి 9 వేల ఎకరాలు పంపిణీ చేయాలని నిర్ణయించినా ఇంకా చేతికందలేదు.
ఇచ్చిన భూములు లాక్కున్నారు
జిల్లాలో పేదలకు పంపిణీ చేసిన ఇనాం, అసైన్డ్‌ భూముల్ని తిరిగా లాక్కున్నారు. జిల్లాలో ఉన్న లక్షా 894 ఎకరాల ఇనాం భూములకు గాను గతంలో 94 వేలా 982 ఎకరాలను దళితులతో పాటు ఎస్టీ, బిసి వర్గాలకు చెందిన పేదలకు పంపిణీ చేశారు. వీటికి పట్టాలు కూడా ఇచ్చారు. ఇప్పటి వరకూ భూముల్ని పేదలకు అప్పగించలేదు. ఇంకా భూస్వాములు, పెత్తందార్లే అనుభవిస్తున్న పరిస్థితి ఉంది. ఇటీవల వైఎస్‌ఆర్‌ ప్రభుత్వం అసైన్డ్‌మెంట్‌ చట్టం సవరణ చేసిన తర్వాత కూడా దళితులకు భూములు దక్కలేదు. జిల్లాలో 15 వేల ఎకరాల భూముల్ని సంపన్నుల నుంచి స్వాధీనం చేసుకుని పేదలకు పంపిణీ చేయాలని గుర్తించారు. ఒక్క ఎకరం కూడా ఇవ్వలేదు. 2 వేల ఎకరాల సీలింగ్‌ భూముల్లో ఎలాంటి వివాదాలూ లేనందున పేదలకు పంపిణీ చేయవచ్చని కోర్టు చెప్పినా ఇంత వరకూ పేదలకు ఇచ్చింది లేదు.
భూ పోరాటాల ఫలితమే
జిల్లాలో ఐదు విడతల్లో పంపిణీ చేసిన భూములన్నీ సిపిఎం, వ్యకాస, కెవిపిఎస్‌, గిరిజన సంఘం పోరాటాల ఫలితంగా పేదలకు దక్కాయని ఆ సంఘాల జిల్లా కార్యదర్శులు నంద్యాల నర్సింహారెడ్డి, నారి ఐలయ్య, కొండమడుగు నర్సింహా, రవినాయక్‌లు పేర్కొన్నారు. జిల్లాలో ప్రభుత్వ భూముల్ని దళితులు, గిరిజనులు, పేదలైన బిసిలకు పంపిణీ చేయాలని జిల్లా వ్యాప్తంగా అనేక ఉద్యమాలు నిర్వహించామన్నారు. క్షేత్ర స్థాయిలో పేదలు కబ్జాలో ఉండి సాగు చేసుకుంటున్న భూములకు కూడా అధికారులు పట్టాలివ్వడంలేదన్నారు. అనేక గ్రామాల్లో పెత్తందార్లు ఆక్రమిస్తే వారి నుంచి ఇప్పటికీ స్వాధీనం చేసుకోలేదన్నారు. పైగా దళితుల్ని సాగు భూముల నుంచి ఖాళీ చేయిస్తున్న పరిస్థితి ఉందన్నారు. 22న చలో అసెంబ్లీ ముట్టడి నిర్వహించనున్నందున దళితులు, గిరిజనులు పెద్ద సంఖ్యలో హాజరుకావాలని కోరారు.praja sakthi soujanyamutho nalagonda

దళితులు, గిరిజనులు,

దళితులు, గిరిజనులు, పట్టణ పేదలు, కార్మికులు, కౌలు రైతుల సమస్యలపై గురువారం నుండి సిపిఎం సమరభేరీ మోగించనుంది. ఈ తరగతుల సమస్యలను పరిష్కరించాలని డిమాండ్‌ చేస్తూ హైదరాబాద్‌లోని ఇందిరాపార్కు వద్ద సిపిఎం రాష్ట్ర కార్యదర్శి బివి రాఘవులు, రాష్ట్ర కార్యదర్శివర్గ సభ్యులు ఎస్‌.వీరయ్య, జి.నాగయ్య, రాష్ట్ర కమిటీ సభ్యులు, లోక్‌సభ మాజీ సభ్యులు డాక్టర్‌ మిడియం బాబూరావు నిరవధిక నిరాహారదీక్షను చేపడుతున్నారు. తెలంగాణ సాయుధ పోరాట యోధురాలు, సిపిఎం కేంద్ర కమిటీ సభ్యురాలు మల్లు స్వరాజ్యం ఉదయం 11.30 గంటలకు ఈ దీక్షను ప్రారంభిస్తారు. ప్రస్తుత రాజకీయ వాతావరణంలో ప్రజా సమస్యలకు అటు శాసనసభలోను, ఇటు బయటా ప్రాధాన్యతలేకుండా పోయిన సంగతి తెలిసిందే. రాజకీయ కారణాలు, తన సొంత కారణాలను చెప్పి ప్రభుత్వం వీటిని పరిష్కరించకుండా తప్పించుకుంటోంది. ఇదే సమయంలో ప్రధానమైన రాజకీయ పార్టీలు సైతం ఈ సమస్యల్ని ద్వితీయ శ్రేణికి నెట్టేశాయి. ఈ నేపథ్యంలో ప్రజా సమస్యల్ని మళ్లీ రాజకీయ అజెండాలోకి తీసుకొచ్చేందుకు సిపిఎం ఈ దీక్షలను చేపడుతోంది. ఎస్సీ, ఎస్టీ, పట్టణ పేదల సమస్యలపై ఇప్పటికే రాష్ట్రంలోని వివిధ ప్రాంతాల్లో విడివిడిగా ఆందోళనలు జరిగాయి. ఇదే సమయంలో కెవిపిఎస్‌, గిరిజన సంఘం, వ్యవసాయ కార్మిక సంఘం ఆధ్వర్యాన జిల్లాల్లో సైకిల్‌ యాత్రలు జరిగాయి.

వాడవాడలా తిరిగి ప్రచారం నిర్వహించారు. తద్వారా ఆయా సమస్యలను ప్రజల దగ్గరకు తీసుకెళ్లటమే కాకుండా నిర్ధిష్టమైన డిమాండ్లతో కోర్కెల పత్రాన్ని రూపొందించారు. నల్లగొండ జిల్లాలో ఫిబ్రవరి 18 నుండి 28 వరకు రెండు జాతాలు 2,250 దళితవాడలు, 810 గిరిజన తండాల్లో పర్యటించాయి. ఫిబ్రవరి 28, మార్చి 1వ తేదీల్లో కలెక్టరేట్‌ను 48 గంటలపాటు దాదాపు 5 వేల మంది దిగ్బంధించి వంటవార్పు నిర్వహించారు. ఖమ్మం జిల్లాలో జిల్లా కెవిపిఎస్‌ గౌరవాధ్యక్షులు తమ్మినేని వీరభద్రం జనవరి 20న సైకిల్‌ యాత్రను ప్రారంభించారు. ఏప్రిల్‌ 5 వరకు ఇది కొనసాగుతుంది. జిల్లాలోని దళితవాడలన్నింటినీ కవర్‌ చేస్తూ ఈ యాత్ర కొనసాగుతోంది. ప్రస్తుతానికి ఈ యాత్ర 58 రోజులు పూర్తి చేసుకుంది. పశ్చిమ గోదావరి జిల్లాలో వ్యవసాయ కార్మిక సంఘం నాయకులు మంతెన సీతారాం 19 రోజులపాటు సైకిల్‌ యాత్రలు నిర్వహించారు. 250 దళితవాడలు, 6 పట్టణ ప్రాంతాల్లో ఆయన సైకిల్‌ యాత్రలు నిర్వహించారు. దీక్షను ప్రారంభించటానికి ముందు పదిహేను రోజుల నుండే ఈ కోర్కెల పత్రాన్ని ప్రభుత్వం దృష్టికి తీసుకెళ్లారు. ముఖ్యమంత్రితోపాటు సాంఘిక, గిరిజన సంక్షేమశాఖ, పురపాలక, పట్టణాభివృద్ధిశాఖల మంత్రులకు, ఆయా శాఖల కార్యదర్శులకు కోర్కెల పత్రాలను అందజేశారు. మరోవైపు శాసనసభలో ఈ అంశాలను ప్రస్తావించాలని, దీక్షకు మద్దతు తెలియజేయాలని కోరుతూ టిడిపి, సిపిఐ, పిఆర్పీ, లోక్‌సత్తా, టిఆర్‌ఎస్‌, ఎంఐఎం శాసనసభపక్ష నేతలకు వినతిపత్రాలు సమర్పించారు.

మరోవైపు దీక్షకు సంఘీభావం తెలపాలని కోరుతూ సిపిఐ ఎంఎల్‌-న్యూ డెమోక్రసీ, సిపిఐ (ఎంఎల్‌) ఎంసిపిఐ(యు), ఆరెస్పీ, ఫార్వర్డ్‌బ్లాక్‌, ఎస్‌యుసిఐ, సిపిఐ (ఎంఎల్‌-రామన్నగౌడ్‌) పార్టీలకు, వివిధ పార్టీలకు చెందిన ప్రజా సంఘాలు, దళిత, గిరిజన సంఘాలకు లేఖలు రాశారు. సిపిఎం డిమాండ్‌ చేస్తున్న ప్రధానాంశాలు..... ఎస్సీ, ఎస్టీ ఉప ప్రణాళికల విధానాన్ని ఖచ్చితంగా అమలు చేసేందుకు ప్రత్యేక చట్టాన్ని ఏర్పాటు చేయాలి. ఎస్సీ, ఎస్టీ సబ్‌ప్లాను అమలుకు నోడల్‌ ఏజన్సీ జి.ఓ నెం.117 అమలును సమీక్షించాలి. దళిత, గిరిజన ఆవాసాల అభివృద్దికి ప్రత్యేక పథకాన్ని ప్రవేశపెట్టాలి. అటవీ హక్కుల చట్టం అమలును తిరిగి ప్రారంభించాలి. తిరస్కరించిన దరఖాస్తుల రీసర్వేకు ఆదేశించాలి. కొత్తగా వ్యక్తిగత దరఖాస్తులకు గడువు ఇవ్వాలి. ఎస్సీ, ఎస్టీ కమిషన్‌కు చైర్మన్‌ను, సభ్యులను నియమించాలి. మహిళా కమిషన్‌కు చైర్మన్‌ను నియమించాలి. వృత్తిదారుల పథకాలకు బడ్జెట్‌ కేటాయింపులు పెంచాలి. ప్రభుత్వ శాఖల, ప్రభుత్వ రంగ సంస్థల్లో పనిచేస్తున్న కాంట్రాక్టు థర్డ్‌పార్టీ, గౌరవ వేతన కంటింజెంట్‌ తాత్కాలిక ఉద్యోగులందరికీ జీవోనెం.3ను అమలు చేయాలి. భూ కమిటి (కోనేరు రంగారావు కమిటీ) నివేదిక సిఫార్సులపై ఇచ్చిన జీవోనెం.1049 అమలును సమీక్షించాలి. ఈ జీవో అమలుకు అధికారాలు గల ఎపెక్స్‌ కమిటీని నియమించాలి

ఆదిలాబాద్ కు అద్యక్ష ఎన్నిక

మాదిగ దండోరా సంక్షేమ సమితి తెలంగాణా విభాగము అద్యక్షులు నకిరేకంటి కొమరయ్య మాదిగ గారు ఆదిలాబాద్ కు అద్యక్ష ఎన్నిక జరుపగా రాష్ట కమిటి మరియు వర్కింగ్ కమిటి కలిశి బిరుదుల ధర్మయ్య మాదిగను ఏకగ్రీవంగా ఎన్నుకొని ధర్మయ్య మాదిగ యొక్క పూర్తి వివరాలను రాష్ట అద్యక్షలు బి జయ రామ్ మాదిగ గారికి పంపివగా గతములోను ధర్మయ్య గారి సేవలను తెలుసుకొని ధర్మయ్య ఎన్నిక సంతృప్తిని ఇచ్చినదని బి జయ రామ్ మాదిగ గారు కొమరయ్య గారికి మరియు వర్కింగ్ కమిటికి ఫక్ష్ ద్వార తెలియ జేసారు.మరో వివరణలో నకిరేకంటి కొమరయ్య మాదిగ బిరుదుల ధర్మయ్య మాదిగ ఇట్టి అవకాశాన్ని సద్వినియోగపరుచుకొని మాదిగ జాతి కోసము మరింత కృషి చేయాలనీ తెయ జేశారు.రాష్ట వర్కింగ్ కమిటి మెంబర్ తాడేపల్లి శ్రీనివాస్ రావు గారు ఆదిలాబాద్ జిల్లా రాష్టములోని అన్ని జిల్లకంటే మాదిగ జాతి బిడ్డలు నేటికి గోండ్రు గల్లుగా పిలువా పడుతున్నారు.ఇట్టి విషయాన్నీ తెపుతూ మనవ జాతికి మూలా పురుషులు మాదిగలనితెయ జెప్పారు.అంతే కాకుండా జిల్లా నుండి ప్రతి నియోజక కమిటీలు మండల కమిటీలు గ్రామా కమిటీలు తొందరగా పూర్తిజేసి ఆదిలాబాద్ జిల్లా మాదిగల అందరి మన్ననలు పొందాలని తెలియజేసారు.ఇట్టి ఎన్నికను ధర్మయ్య గారు స్వాగతిస్తూ మాదిగ దండోరా సంక్షేమ సమితి నా పై ఉంచిన భాద్యతను జాతి కోసము మరింత సేవకు అవకాశము కలిపించినదని జెప్పారు .

.పొట్ట గొడ్తున్నరు

'తినే కూడును లాక్కున్నారు. 20 ఏళ్ల నుండి ఈ భూమినే నమ్ముకుని బతుకుతున్నాం. ఇప్పుడు సర్కారుదని చెబుతున్నారు. మా పొట్ట గొడుతున్నారు. ఇక బతికేదెట్ల..? మా కుటుంబం గడిచేదెట్ల..?'' కరీంనగర్‌ జిల్లా చొప్పదండి మండలం వెదురుగట్ట గ్రామ దళితుల ఆవేదన ఇది. ఆ గ్రామ దళితులు తమకిచ్చిన భూముల్లో స్వేదం చిందించి రాళ్లూ రప్పలూ గుట్టలూ తొలగించారు. బీడు భూమిని సేద్యపు భూమిగా మార్చారు. తమకిదే జీవనాధారమని భావించారు. భూమి చదును చేసేందుకూ, పైర్ల సాగుకూ వేలాది రూపాయలు అప్పులు చేశారు. అయితే కొంతమంది పెత్తందారులు, రెవెన్యూ అధికారులు కుమ్మకై ఆర్నెల్ల క్రితం ఆ భూమిలో దళితులు వేసిన పత్తి పంటను ధ్వంసం చేయించారు. అది ప్రభుత్వ స్థలమంటూ ఆక్రమించారు. ప్రస్తుతం అటవీశాఖాధికారులు చెట్ల పెంపకానికి ఆ భూమిలో సర్వే చేస్తున్నారు. జీవనాధారం కోల్పోయిన దళితులు దిక్కుతోచని స్థితిలో ఉన్నారు. కరీంనగర్‌ జిల్లా చొప్పదండి మండలం వెదురుగట్టు గ్రామంలో సర్వే నంబరు 354లో 200 ఎకరాల ప్రభుత్వ భూమి ఉంది. అందులో 60 ఎకరాలను 1992వ సంవత్సరంలో 42 మంది దళితులకు ఒక్కొక్కరికి ఎకరంన్నర చొప్పున ప్రభుత్వం పట్టాలిచ్చింది. రెక్కలు ముక్కలు చేసుకొని వారాభూమని చదును చేశారు. చిలక లింగయ్య, మ్యాకల జనార్థన్‌, ఇవురాల్ల లచ్చయ్య, చిలుగ దుర్గయ్య సహా 38 దళిత కుంటుంబాలు ఈ భూమినే నమ్ముకుని జీవిస్తున్నాయి.

మూడేళ్ల తాత్కాలిక పట్టాలను అంతిమ పట్టాలుగా మార్చాలని 1994వ సంవత్సరం నుంచీ వారు అధికారులకు మొరపెట్టుకుంటున్నారు. అధికారుల్లో చలనం లేకపోయింది. 20 ఏళ్లుగా సాగు చేసుకుంటున్న భూమిని ఖాళీ చేయాల్సిందిగా ఆర్నెల్ల క్రితం దళితులకు నోటీసులు పంపారు. ఇది ప్రభుత్వ స్థలమనీ, దీనిని స్వాధీనం చేసుకుంటామనీ నోటీసుల్లో పేర్కొన్నారు. దీంతో దళితులు తీవ్ర ఆందోళనకు గురయ్యారు. 2010 ఆగస్టు 8న తమకు జరిగిన అన్యాయాన్ని జిల్లా కలెక్టర్‌కు వివరించారు. తర్వాత కూడా వారికి న్యాయం జరగకపోగా ఈ స్థలాలను పూర్తి స్థాయిలో స్వాధీనం చేసుకునే ప్రయత్నాలు ముమ్మరమయ్యాయి. దళితుల భూమిని స్వాధీనం చేసుకునే ప్రయత్నాలు చేస్తున్న అధికారులు, ప్రభుత్వ స్థలాలను కబ్జా చేసిన కొంతమంది పెద్దమనుషులపై ఎటువంటి చర్యలూ చేపట్టలేదు. ఇదే సర్వే నంబర్‌లోని కొంత భూమిని కొందరు పెత్తందారులు కబ్జా చేశారు. వారికి అధికారుల అండదండలు ఉన్నట్లు విమర్శలున్నాయి. ఆరు నెలల క్రితం దళితులు ఈ భూమిలో పత్తి వేశారు. సాగుకు ఒకొక్కరు పెట్టుబడి కింద రూ. పది వేలు చొప్పున అప్పు చేశారు. పత్తి మొక్క దశకు చేరుకుంది. పెత్తందారులు, రెవెన్యూ అధికారులు కుమ్మకై పత్తి చేలపై మేకలు, గొర్రెలను తోలి పంటను నాశనం చేయించారు. ఎత్తుపల్లాలు, రాళ్లు, రప్పలున్న ఈ భూమిని సాగులోకి తెచ్చేందుకు ఒక్కో దళిత రైతు రూ. 40 వేల వరకూ ఖర్చు చేశాడు.

పంట సాగుకు మరో రూ.10 చొప్పున అప్పు చేశాడు. 42 మంది పరిస్థితీ ఇదేవిధంగా ఉంది. తమ భూములు తమకివ్వాలని అధికారుల చూట్టూ ప్రదక్షిణలు చేస్తున్నారు. అధికారుల్లో చలనం లేదు. కరీంనగర్‌ నగర పాలక సంస్థకు 25 కిలోమీటర్ల పరిధిలో ఉన్న ప్రభుత్వ స్థలాలను స్వాధీనం చేసుకుంటున్నట్లు తహశీల్దార్‌ ప్రమోద్‌ చెబుతున్నారు. ప్రభుత్వ జిఓ ప్రకారమే ఈ చర్యలు చేపట్టినట్లు ఆయన తెలిపారు. కరీంనగర్‌ 2004లో కార్పొరేషన్‌గా మారింది. అంతకుముందు నుంచే ఈ దళితులకు ప్రభుత్వం పట్టాలు పంపిణీ చేసింది. వీరంతా కాస్తులో ఉన్నారు. కావున ఈ జిఓ వారికి వర్తించదు. చొప్పదండి మండలంలో ఇప్పటికి మూడుసార్లు భూ పంపిణీ కార్యక్రమం చేపట్టినా రెవెన్యూ అధికారులు దళితులను విస్మరించారు. ఎల్లంపల్లిలో కోల్పోయిన అటవీ భూమికి బదులుగా దళితులకు చెందిన 60 ఎకరాలను అటవీశాఖకు అప్పగించేందుకు కుట్ర జరుగుతోంది. గ్రామ సర్పంచి, స్థానిక ఎంఎల్‌ఏ దళితులై ఉండి కూడా దళిత రైతులకు న్యాయం చేయలేకపోయారు. ఇప్పటికైనా ఉన్నతాధికారులు స్పందించి దళితులకు న్యాయం చేయాలని కుల వివక్ష వ్యతిరేక పోరాట సంఘం జిల్లా నాయకులు లకీëనారాయణ కోరుతున్నారు.

కూడెవరేస్తరు ?
ఈ భూమితోనే బతుకుతున్నా. దీంట్లో వచ్చిన పంటతోనే బతుకుతున్నాం. భూమి సర్కారుదేనని అంటున్నరు. ఇక్కడ జంగల్‌ పెంచుతరట. మా భూములు మాకుగావాలె. ఇవి ఇయ్యకుంటే ఇంత విషమిచ్చి సంపుండ్రి.
మేకల పోచయ్య (బాధితుడు)
అంతిమ పట్టాలిచ్చే వరకూ పోరాటం : కెవిపిఎస్‌, వ్యకాస
దళితులకు అంతిమ పట్టాలిచ్చే వరకూ వారి పక్షాన పోరాడుతామని ఆంధ్రప్రదేశ్‌ వ్యవసాయ కార్మిక సంఘం జిల్లా ప్రధాన కార్యదర్శి గుడికందుల సత్యం, కెవిపిఎస్‌ జిల్లా కన్వీనర్‌ లక్ష్మీనారాయణ అన్నారు. 42 మంది దళితులకు తాత్కాలిక పట్టాలిచ్చారనీ, అంతిమ పట్టాల కోసం దళితులు ఎన్నిసార్లు మెరపెట్టుకున్నా అధికారులు కనికరించలేదనీ వాపోయారు. వెంటనే దళితులకు అంతిమపట్టాలు అందజేయాలనీ, లేనిపక్షంలో పెద్ద ఎత్తున ఆందోళనా కార్యక్రమాలు చేపడతామనీ హెచ్చరించారు.

ఇక చావే గతి
ప్రభుత్వం పట్టాలిచ్చింది. ఈ భూమి నాదేననుకున్నా. రూ. 40వేలు అప్పుచేసి బీడు భూమిని మంచిగా చేసుకున్న. ఈ ఏడు మరో 10వేలు అప్పుజేసి పత్తివేశా. 20 ఏళ్లుగా లేనిది ఇప్పుడొచ్చి ఈ భూమి సర్కారుదంటున్నారు. నాకిక చావేగతి.
ఇవురాల్ల చిన్న లచ్చయ్య (బాధితుడు)

• పెత్తందారుల కబ్జాకు అధికారుల అండ
  

ప్రజాశక్తి - కరీంనగర్‌ టౌన్

ఆదిలాబాద్ కు అద్యక్ష ఎన్నిక

మాదిగ దండోరా సంక్షేమ సమితి తెలంగాణా విభాగము అద్యక్షులు నకిరేకంటి కొమరయ్య మాదిగ గారు ఆదిలాబాద్ కు అద్యక్ష ఎన్నిక జరుపగా రాష్ట కమిటి మరియు వర్కింగ్ కమిటి కలిశి బిరుదుల ధర్మయ్య మాదిగను ఏకగ్రీవంగా ఎన్నుకొని ధర్మయ్య మాదిగ యొక్క పూర్తి వివరాలను రాష్ట అద్యక్షలు బి జయ రామ్ మాదిగ గారికి పంపివగా గతములోను ధర్మయ్య గారి సేవలను తెలుసుకొని ధర్మయ్య ఎన్నిక సంతృప్తిని ఇచ్చినదని బి జయ రామ్ మాదిగ గారు కొమరయ్య గారికి మరియు వర్కింగ్ కమిటికి ఫక్ష్ ద్వార తెలియ జేసారు.మరో వివరణలో నకిరేకంటి కొమరయ్య మాదిగ బిరుదుల ధర్మయ్య మాదిగ ఇట్టి అవకాశాన్ని సద్వినియోగపరుచుకొని మాదిగ జాతి కోసము మరింత కృషి చేయాలనీ తెయ జేశారు.రాష్ట వర్కింగ్ కమిటి మెంబర్ తాడేపల్లి శ్రీనివాస్ రావు గారు ఆదిలాబాద్ జిల్లా రాష్టములోని అన్ని జిల్లకంటే మాదిగ జాతి బిడ్డలు నేటికి గోండ్రు గల్లుగా పిలువా పడుతున్నారు.ఇట్టి విషయాన్నీ తెపుతూ మనవ జాతికి మూలా పురుషులు మాదిగలనితెయ జెప్పారు.అంతే కాకుండా జిల్లా నుండి ప్రతి నియోజక కమిటీలు మండల కమిటీలు గ్రామా కమిటీలు తొందరగా పూర్తిజేసి ఆదిలాబాద్ జిల్లా మాదిగల అందరి మన్ననలు పొందాలని తెలియజేసారు.ఇట్టి ఎన్నికను ధర్మయ్య గారు స్వాగతిస్తూ మాదిగ దండోరా సంక్షేమ సమితి నా పై ఉంచిన భాద్యతను జాతి కోసము మరింత సేవకు అవకాశము కలిపించినదని జెప్పారు .

ప్రభుత్వ విద్యారంగాన్ని సంస్కరించాలి!

బి. అంజనేయులు
(ఎ.ఐ.ఎస్‌.ఎఫ్‌. రాష్ట్ర అధ్యక్షులు)
ప్రభుత్వ విద్యారంగానికి రాష్ట్రంలో చెద పట్టిందని చెప్పే పరిస్థితులను పాలకులే కల్పి స్తున్నారు. విద్యా రంగం గందరగోళంలో ఉన్న ప్పుడు దాన్ని సంస్కరించి మార్గ నిర్దేశం చేయా ల్సిన బాధ్యత ప్రభుత్వంపై వుంది. కాని రాష్ట్రంలో పరిస్థితులు మాత్రం అందుకు భిన్నంగా ఉన్నాయి. ప్రభుత్వ విద్యా విధానం కుప్పకూలి పోతుంటే విద్య అనేది భవిష్యత్‌లో అంధకార బంధురంగా మారే ప్రమాదంలో పడిపోతుంటే ప్రభుత్వం మాత్రం గుర్రంలేని రథంపై కూర్చుని స్వారీ చేస్తున్నట్లు కనిపిస్తున్నది.
నర్సరీ నుండి మొదలుకొని ఉన్నత విద్య వరకు ''డబ్బుంటే చదువు లేకుంటే నై నె''ౖ అనే విధంగా విద్యా రంగం తయారైంది. ప్రభుత్వ విద్యా సంస్థలు జీవన ప్రమాణ స్థాయి లేనటు వంటి బడుగు బలహీన వర్గాల విద్యార్థుల కోసమే ఏర్పాటు చేసినట్లు దిక్కూ దివానం లేక మోకాళ్ళపై నిలబడి నడవగలుగుతున్నాయి. రాష్ట్రంలో 6000 లకు పైగా సంక్షేమ వసతి గృహాలు ఉన్నాయి. ఇందులో 8 లక్షల మంది విద్యార్థులు చదువు కొనసాగిస్తున్నారు. సంక్షేమ వసతి గృహాలు అధ్వానంగా కూలిపోవడానికి నిధులలేమితో కాలం గడపుతున్నాయి. కాస్మోటిక్‌ చార్జీలు లేక పలుచబోయిన అన్నం చారుతో విద్యార్థులు దిన దిన గండంగా కాలం గడుపుతున్నారు. దుర్భర మైన పరిస్థితుల మధ్య పేద విద్యార్థుల చదువులు ముందుకు సాగాలంటే ప్రశ్నార్థకమైన విషయమే. హస్టల్స్‌కు సొంత భవనాలు లేక ఉన్న భవనాలు కూలిపోవడానికి సిద్ధంగా ఉన్నాయి. ప్రాథమిక, ప్రాథమికోన్నత పాఠశాలలు సరైన సౌకార్యాలు, మంచినీరు, మరుగుదొడ్లు, టీచర్లు లేక మరోవైపు ప్రైవేట్‌ పాఠశాలలతో పోటీ పడలేక మూతపడ టానికి మూలుగుతున్నాయి. ప్రభుత్వం మాత్రం మూలిగే నక్కపై తాటికాయ పడ్డట్లు విద్యార్థులు లేరనే కుంటి సాకుతో ప్రైవేట్‌ సంస్థలకు జీవం పోసేందుకు ప్రభుత్వ విద్యాసంస్థలకు నిధులు కేటాయింకుండా, బడులను మూసివేసేందుకు సిద్ధమవుతూ చదువులను చెప్పించడం మా బాధ్యత కాదంటూ, నిస్సిగ్గుగానే ప్రకటిస్తున్నది. అందులో భాగంగానే 2900 పాఠశాలలను రాష్ట్రంలో మూసివేయుటకు సిద్ధమౌతుంది. రాష్ట్రవ్యాప్తంగా ప్రభుత్వ రంగంలో 18,143 ఉన్నత పాఠశాలలుంటే సుమారు ప్రైవేట్‌ రంగంలో 7000 పాఠశాలలు కొనసాగుతున్నాయి. 55 లక్షల మంది విద్యార్థులు హై స్కూల్‌ విద్యను చదువుతున్నా అందులో 20 లక్షల మంది విద్యా ర్థులు ప్రైవేట్‌ రంగంలోనే విద్యను అభ్యసిస్తున్నారు. విద్యార్థుల సంఖ్య 40 కన్నా తక్కువగా ఉందని రాష్ట్ర మొత్తంలో 3వేల పాఠశాలలకు తాళం పెట్టనుంది ప్రభుత్వం. ఇదే జరిగితే 86వ రాజ్యాంగ సవరణ ద్వారా విద్య ప్రాథమిక హక్కుగా కేంద్రం తెచ్చిన విద్యా హక్కు చట్టాన్ని నవ్వులపాలు చేసినట్లు అవుతుంది.
ఈ రెండు సంవత్సర కాలంలో కొత్తగా ఏర్పాటు అయిన ప్రభుత్వ జూనియర్‌, డిగ్రీ కళశాలలు, పాల్‌టెక్నిక్‌ కళాశాలలు సొంత భవనాలు, సిబ్బంది ఏ మాత్రం లేక నల్లేరులో గిలుక ఈదినట్లు కాలం సాగిస్తున్నాయి. రాష్ట్రంలో 804 ప్రభుత్వ జూనియర్‌ కళాశాలలు నడుస్తు న్నాయి. అందులో 265 కాలేజీలకు సొంత భవ నాల సౌకర్యాలు లేక పాఠశాలల్లో, డిగ్రీ కళాశా లల్లో షిప్ట్‌ పద్ధతిలో నడుస్తున్నాయి. సుమారు 9700 మంది అధ్యాపకులు అవసరముండగా 5600 పోస్టులను భర్తీ చేయలేదు. ఏండ్లతరబడి కాంట్రాక్టు లెక్చరర్లుగా పనిచేస్తున్న వారిని రెగ్యులరైజ్‌ చేయడంలేదు. అదే విధంగా 235 పైచిలుకగా రాష్ట్రంలో ప్రభుత్వ డిగ్రీ కాలేజీలకు భవనాల కొరత వుంది. దీనితో మూడింట రెండొంతుల పోస్టుల భర్తీ చేయకుండా ప్రభుత్వం మీన మేషాలు లెక్కిస్తుంది. గత జూన్‌లో రాష్ట్ర వ్యాప్తింగా 300 బి.సి. కాలేజీ హస్టల్స్‌ను ఏర్పాటు చేస్తామని హామీ ఇచ్చిన ప్రభుత్వం ఇంత వరకు ఊసెత్తకుండా మరచిపోయింది.
విద్యా హక్కు చట్టం ఎప్రిల్‌ 2011న అమ ల్లోకి వచ్చింది. ఇప్పటికి అమలు చేయకుండా రాష్ట్ర ప్రభుత్వ విఫలమైంది. దేశ వ్యాప్తంగా అమల్లోకి వచ్చిన 11 నెలల తర్వాత మన రాష్ట్ర ప్రభుత్వం ఎట్టకేలకు విమర్శల నుంచి బయట పడేందుకు జి.ఓ. నెం. 14 ద్వారా ఉత్తర్వులు జారీ చేసింది. దీన్ని బట్టి రాష్ట్ర ప్రభుత్వ నిర్లక్ష్య స్థాయి ఏంటో అర్థమవుతుంది. వాస్తవంగా విద్య హక్కు చట్టం మంచి ప్రయోజనాలు ఇవ్వాలంటే కొన్ని చర్యలు తీసుకోవలసిన అవసరం ఉంది. అయినా ప్రభుత్వం చర్యలకు వెనుకడుగు వేస్తుంది. విద్యా హక్కు చట్టాన్ని అమలుపర్చడానికి అధికారాలను పాఠశాల విద్యశాఖకు కాకుండా సర్వశిక్షాభియాన్‌కు అప్పగించింది. ప్రత్యేక పాఠ శాలలను స్థాపించాలనే ఆలోచనను విరమించు కుంది. ప్రభుత్వ పాఠశాలలకు దగ్గరలో ప్రైవేట్‌ పాఠశాలలు ఉండరాదనే విషయాన్ని ప్రక్కకు నెట్టింది. అలాగే యాజమాన్య కమిటీలో ఎవరు ఉండాలనే విషయాన్ని స్పష్టంగా వివరించలేదు. అంతేకాక ఎసిఎంసి చైర్మన్‌, సభ్యులను ఎన్నికల ద్వారానే నియమించాలనే ప్రతిపాదనను త్రోసి పుచ్చింది. ముఖ్యంగా విద్య హక్కు చట్టాన్ని సక్రమంగా నిర్వహించుటకు కేంద్ర, రాష్ట్ర ప్రభు త్వాలు రెండు కూడా సరాసరి నిధులు కేటాయిం చాలనే నిబంధనను గాలికి వదిలివేశాయి. అందులో రాష్ట్రం వాటాగా 45 శాతం నిధులు కేటాయించాలనే ప్రతిపాదనను మొన్నటి అసెంబ్లీ బడ్జెట్‌లో ప్రభుత్వం మొండి చేయి చూపింది. దీన్ని బట్టి చూస్తే విద్యా హక్కు చట్టాన్ని మసిపూసి మారేడుకాయలాగా పైపూతలు పూయుటకు రాష్ట్ర ప్రభుత్వం సిద్ధమయినట్లు అర్థమౌతుంది. ఇలా అయితే గ్రామీణ పేద విద్యార్థులకు ఉచిత నిర్బంధ విద్యను అందించే విద్యాహక్కు చట్టం యొక్క ముఖ్య ఉద్దేశ్యం నీరుగారిపోతుంది.
బడ్జెట్‌లో విద్యా రంగానికి 17,362 కోట్లు నిధులు కేటాయించారు. 1307 కోట్లను ఈసారి అదనంగా విద్యా రంగానికి కేటాయించడం జరిగింది. పాఠశాల విద్యకు 14,025 కోట్లు కేటా యించారు. ఉన్నత సాంకేతిక విద్యకు 3,337 కోట్లు కేటాయించడం జరిగింది. అయితే ఈ నిధులకు ఇంకా రెండు రెట్లు ఎక్కువ కేటాయించినా ప్రభుత్వ పాఠశాలలు మరియు ఉన్నత విద్యను గట్టెక్కించే పరిస్థితి లేదు. ఫీజు రియంబర్స్‌మెంట్‌, స్కాలర్‌ షిప్‌లకు 2,745 కోట్లు కేటాయించారు. ఇంకా బకాయిలతో కలిపి 2010 నుంచి 2012 వరకు 6,480 కోట్లు తక్షణం విడుదల చేయాల్సిన అవసరం ఉంది. కాని రాష్ట్ర ప్రభుత్వం చాలా పెద్ద ఎత్తున ఈ పథకానికి చేయిచ్చింది. మొత్తంమీద 2012లో దీన్ని ఎత్తివేయడానికి సంకేతాలు ఇచ్చినట్లే కనిపిస్తుంది. 2008-2009, 2009-2010కిగాను బకా యిలే 2,414 కోట్లుపెడింగ్‌లో ఉన్నాయి. ఈ విద్యాసంవత్సరం 3412 కోట్లు, 2012కి 3,400 కోట్లు ఇవాల్సి ఉంటుంది. మొత్తం కలిపి 9,226 కోట్లు అవసరం. కానీ విడుదలచేసిన 2,745 కోట్లతో విద్యార్థులకు ఏలా న్యాయం చేస్తారో వేచి చూడాల్సిన అవసరం ఉంది. దీనిపైన ప్రభుత్వం కూడా తక్షణం వివరణ ఇవాల్సిన అవశ్యకత ఉంది. అలాగే రాష్ట్రంలో 8 లక్షలమంది హస్టల్‌ విద్యార్థుల మెస్‌ చార్జీలను పెంచడంలేదు. కేంద్ర ప్రభుత్వం మెస్‌ చార్జీలను పెంచినా, రాష్ట్ర ప్రభు త్వం పెంచడంలేదు. ఒక వేళ పెంచితే అదనంగా 120 కోట్ల రూపాయలు కేటాయించాల్సి వుంటుంది. కానీ అసలే ఈ విద్యా సంవత్సరం 2010 - 2011కి గాను ఒక రూపాయి కూడా కేటాయించకపోవడం దుర్మార్గమైన విషయం.
ఉన్నత విద్యలో భాగమైన ఇంజనీరింగ్‌, యం.బి.ఎ., యం.సి.ఎ., ఫార్మసీలాంటి కోర్సులు మొత్తం ప్రైవేట్‌ రంగంలో రాజ్యంమేలుతున్నాయి. ఉన్నత విద్యను ముందు చూపులేకుండా రాష్ట్ర ప్రభుత్వం, ఇంజనీరింగ్‌ విద్యను ప్రోత్సహించి దానిని సరైన దారిలో ఉంచకపోవడం వలన వ్యాపారవేత్తలు, బడా రాజకీయ నాయకులు విద్యకు పెట్టుబడి పెట్టి డబ్బులు దండుకోవడంలో సఫలీకృతులవుతున్నారు. ఉన్నత విద్య భవిష్యత్‌ తరాలకు అంధకారంగా మారి పెను ప్రమాదంగా రూపుదాల్చుకుంటుంది. ఇంటర్‌లో పాసైన ప్రతి వాడు ఇంజనీరింగ్‌లో చేరితే విజ్ఞానశాస్త్రాలు కూడా నిర్లక్ష్యానికి గురవుతాయి. దానితో భౌతిక, రసాయన, గణిత సామాజిక శాస్త్రాలు కనుమరు గయ్యే ప్రమాదం పొంచివుంది.
కేంద్ర, రాష్ట్ర ప్రభుత్వాలు రెండూ విద్యా రంగానికి నిధులు కేటాయించడంలో తీవ్ర నిర్లక్ష్యా నికి ఒడిగడుతున్నాయి. కేంద్రం నుంచి 10 శాతం నిధులు, రాష్ట్రం నుంచి 30 శాతం నిధులు విద్యా రంగానికి కేటాయించాలని గత 30 సంవత్స రాలుగా ఎ.ఐ.ఎస్‌.ఎఫ్‌. ఇతర విద్యార్థి సంఘాలు పోరాటాలు సాగించినా అది పోరాటంగానే మిగులిపోతుంది తప్ప, పాలకులకు పట్టడంలేదు. విద్యారంగం సంక్షోభం నుండి గట్టెక్కాలంటే 30 వేల కోట్ల రూపాయలు తక్షణం కేటాయిస్తే తప్పసరైన గాడిలోకి ప్రభుత్వ విద్య రాదు, రాలేదు. మేధావులు, విద్యావంతులు, విద్యార్థి సంఘాలు పెద్ద ఎత్తున మడమతిప్పని సమరశీల మహత్తర ఉద్యమాలు కార్పోరేట్‌ శక్తులకు వ్యతిరేకంగా, ప్రభుత్వ విద్యాసంస్థలను సంస్కరించేందుకు సర్వ శక్తులువడ్డి పోరాటాలకు సిద్ధంకావలసిన అవసరం ఉంది.విశాలాంధ్ర పత్రిక సౌజన్యముతో